Käler Musek
D'Käler Musek ass eng jonk an dynamesch Ekipp déi sech aus ronn 30 Museker zesummesetzt. Nieft der Musek déi am Mëttelpunkt vum Ganze steet, ass et eis och wichteg flott Momenter ënner Kolleegen ze verbréngen an eng gutt Ambiance ënnert eise Museker a Memberen ze hunn.
Um Programm stinn all Joers eis grouss Concerten, de Neijooschconcert, de Galaconcert an den Cecilieconcert. A natierlech och eng ganz Rei aner Aktivitéite gehéieren dozou, wéi ee Stage, eng 1. Mee- a Chrëschtfeier, d'Quetschefest, an och sëllege Sortië fir d'Gemeng.
Och fir Nowuess a Jugend gëtt sech engagéiert, ënner anerem mat engem Orchester fir Schüler an Ufänger (méi iwwert d'Schülerband hei).
Dirigent
André Caçador
Mat 6 Joer huet den André säi Wee zur Musek fonnt an der Harmonie CAMS (Circulo artistico Musical Safarense) ënnert dem Dirigent Joaquim Bicho Gonçalves a mat 15 Joer huet hie Coursen an der Trompett beim Helio Ramalho um Conservatorio Regional do Baixo Alentejo geholl. Mat 18 Joer koum hien als Trompettist an d'Arméi a Portugal.
Seng musikalesch Studien an der Trompett huet hien op der Universidade de Évora ënnert dem Pedro Monteiro weidergefouert, huet och eng Formatioun an der Direktioun beim Belsche Proff an Dirigent Frank de Vuyst gemaach. Och an der Trompett huet hie sëllege Formatioune gemaach an och selwer gehalen. Hie war Proff fir Trompette um Conservatório Regional do Algarve, huet d'Harmonie CAMS dirigéiert an ass Grënnungsmember vun de Gruppen Alentejo Brass Quintet an Alentejo Brass Connection.
De Moment mécht hie säi Master fäerdeg an der Musek beim Daniel Louro.
Zënter September 2023 ass hien Dirigent vun der Käler Musek.
Museker
Kommitee
